काठमाडौं। राष्ट्रिय मानवअधिकर आयोगले कोरोना विरुद्धको खोपको दोस्रो मात्रा राजनीतिक पहुँच हुनेले मात्र प्राप्त गरेको ठहर गरेको छ। आज कोरोना खोप र उपचारका विषयमा स्वास्थ्य मन्त्रालय र अन्तर्गतका निकायका पदाधिकारीहरुसँगको छलफलमा आयोगले उक्त कुरा बताएको हो। महामारीको घडीमा स्वास्थ्यकर्मीहरुको योगदान प्रशंसनीय भएपनि खोपको विभेदपूर्ण वितरण भएकोमा आयोगले असन्तुष्टी व्यक्त गरेको छ।