काठमाडौं (अस) । हिरो मोटरसाइकलको आधिकारिक बिक्रेता नेपाल जनरल मार्केटिङको आयोजनामा आन्तरिक पर्यटन प्रवर्द्धनको उद्देश्यसहित काठमाडौं– लोमान्थाङ मोटरसाइकल यात्रा सुरु भएको छ । हिरो एक्सप्लस २०० मोटरसाइकल खरिद गरेका ग्राहकलाई लोमान्थाङ भ्रमण गराउन यात्रा सुरु गरिएको कम्पनीले बताएको छ । काठमाडौंको भृकुटीमण्डपस्थित पर्यटन बोर्टबाट सुरु भएको यात्रामा सहभागी ३० जनाभन्दा बढीले काठमाडौं–पोखरा–लेते–जोमसोम–मुक्तिनाथ हुँदै लोमान्थाङसम्मको करिब ९०० किलोमिटरको दूरी तय गर्नेछन् ।
नेपाली फुटबल टिमका कप्तान किरण चेम्जोङले सोमबार बिहान भृकुटीमण्डपमा यात्राको औपचारिक सुरुआत गरे । यात्रामा सहभागी सबै मोटरसाइकल चालकलाई अनुशासित भएर भ्रमण पूरा गर्न आग्रह गरे । कार्यक्रमले आन्तरिक पर्यटन प्रवर्द्धनमा सहयोग पुग्ने पर्यटन बोर्डका प्रतिनिधिको विश्वास छ ।
