काठमाडौं । मेगा क्यापिटल मार्केट लिमिटेड र एनआईबिएल एस क्यापिटल लिमिटेडले प्राप्ति प्रक्रिया पूरा गरी असार १८ देखि एकीकृत कारोबार शुरू गर्दैछन् । कम्पनीले सूचना जारी गर्दै एकीकृत कारोबारका सम्बन्धमा जानकारी दिएका हुन् ।
मेगा क्यापिटल मार्केट लिमिटेडलाई एनआईबिएल एस क्यापिटल लिमिटेडले प्राप्ति गर्न लागेको हो । दुई कम्पनी एक भई एनआइएमबि एस क्यापिटल लिमिटेडको नामबाट एकीकृत कारोबार शुरू हुन लागेको हो । मेगा क्यापिटलले २०७५ चैत १८ गते र एनआईबिएल एस क्यापिटलले २०६९ साउन १५ गते कारोबार सञ्चालनका लागि नेपाल धितोपत्र बोर्डबाट अनुमति प्राप्त गरेका थिए ।
प्राप्तिसम्बन्धी प्रस्ताव दुवै कम्पनीले जेठ २९ गते सम्पन्न विशेष साधारण सभामार्फत पारित गरेका थिए । कम्पनी रजिष्ट्रारको कार्यालयबाट असार ११ गते एनआइएमबि एस क्यापिटल लिमिटेड हुने गरी नाम परिवर्तन गर्न असार ११ गते स्वीकृति प्राप्त भएसँगै यी कम्पनी एकीकृत कारोबारमा जुटेका हुन् ।
एकीकृत कारोबारको मिति भने दुवै कम्पनीको असार १२ गते बसेको सञ्चालक समितिको बैठकले तय गरेको हो ।
