योर्गन क्लोपको लिभरपुलले गत सिजन फाइनलमा बेहोरेको हारको बदला लिने अवसरका रूपमा युरोपेली च्याम्पियन्स लिगको सोमबार निकालेको अन्तिम १६ को ‘ड्र’ मा रियल म्याड्रिड प्रतिद्वन्द्वी पाएको छ । नकआउट चरणमा एक अर्को रोमाञ्चक खेल पनि तयार भएको छ । त्यसमा पेरिस सेन्ट जर्मेन (पीएसजी) ले बायर्न म्युनिकविरुद्ध खेल्नेछ । यो सन् २०२० को फाइनलको पुनरावृत्ति हुनेछ । त्यसमा जर्मन क्लब विजयी भएको थियो ।
