काठमाडौं : रक्षामन्त्री हरिप्रसाद उप्रेती भारत सरकारको निम्तोमा पाँचदिने भ्रमणका लागि भारत प्रस्थान गरेका छन्। उनको भ्रमण टोलीमा नेपाली सेनाका बलाधिकृत रथी सरोजप्रताप राणा र रक्षा मन्त्रालयका सहसचिव बाबुराम अधिकारी पनि सहभागी छन्।
भारतको कर्नाटक राज्यको बेङ्गलुरुमा आगामी फागुन १ गतेदेखि ५ गतेसम्म हुने ‘एरो इण्डिया २०२३’ र ‘स्पिड–डिफेन्स मिनिस्टर्स कन्क्लेभ २०२३’ को १४औँ संस्करणमा रक्षामन्त्री उप्रेतीले सहभागिता जनाउनेछन्।