नेपाल स्टक एक्सचेन्ज नेप्सेले नेप्सेको प्राङ्गणमा साँढेको मुर्ति स्थापना गर्ने प्रक्रिया रद्द भएको छ । नेप्सेले आह्वान गरेको टेण्डरमा आवेदन दिएका कम्पनीले आवश्यकता अनुसार मापदण्ड नपुर्याएपछि प्रक्रिया रद्द गरिएको हो ।नेप्सेका अनुसार साँढेको मुर्ति स्थापना गर्नको लागि २ कम्पनीको टेण्डर परेको थियो । तर सार्वजनिक खरिद ऐन, २०६३ को दफा २३ र सार्वजनिक खरिद नियमावली, २०६४ को नियम ६० बमोजिम कनूनी ग्राहयता र पूर्णताको परिक्षणमा ति कम्पनी सफल नभएको हुदा सोही ऐनको दफा २६ को उपदफा १ (क) बमोजिम बोलपत्र रद्ध गरिएको नेप्सेले उल्लेख अग्रेको छ ।नेप्सेले जेठ ८ गतेदेखि असार ७ गतेसम्म नेप्सेको प्राङ्गणमा साँढेको मुर्ति स्थापना गर्न इच्छुक र योग्य कम्पनीलाई शिलबन्दी बोलपत्र पेश गर्न आग्रह गरेको थियो। नेप्सेले बोलपत्र संगै २ लाख २५ हजार रुपैयाँ धरौटी राख्नु पर्ने जनाएको थियो । नेप्सेले तयार पारेको स्केच अनुसारको साँढे बनाउनु पर्ने नेप्सेले उल्लेख गरेको थियो । उक्त साँढे पित्तलको हुनु पर्ने नेप्सेले जनाएको थियो ।विश्वभर स्टक मार्केट अगाडी साँढे अर्थात् चार्जिंग बुलको मुर्ति राख्ने प्रचलन छ। सोहि अनुसार नेप्सेले पनि साँढेको मुर्ति राख्न लागेको हो ।