महानगरीय ट्राफिक प्रहरी महाशाखाले उपत्यकाको कोरिडोर सडक व्यवस्थापनको लागि छुट्टै ट्राफिक प्रहरी टोली खटाएको छ। उपत्यकाको मुख्य कोरिडोरहरू विष्णुमती, वाग्मती, धोविखोला र मनोहरा कोरिडोर क्षेत्रमा ट्राफिक प्रहरीको टोली खटिनेछन्।
आजदेखि कोरिडोरलाई चौबिस खण्डमा विभाजित गरी कोरिडोर क्लियरेन्सको लागि १७ टोली गठन गरी परिचालन गरेको महाशाखाले बताएको छ। करिडोर सडकहरूमा हुने सवारी चाप व्यवस्थापन, सवारी दुर्घटनामा शीघ्र ट्राफिक परिचालन तथा अव्यवस्थित रूपमा हुने पार्किङलाई नियन्त्रण गर्ने मुख्य उद्देश्य रहेको छ।
टोलीको पहिचानका लागि ‘ट्राफिक पोलिस सीएटी’ लेखिएको प्लोरोसेन्ट ज्याकेट लगाएर आफ्नो जिम्मेवार करिडोर सडकमा मोटरसाइकलमा निरन्तर अनुगमन गर्नेछ।
