पर्यटन विभागले अबको वसन्तकालीन हिमाल आरोहण अभियान अन्तर्गत खुम्बु क्षेत्रमा पर्ने ७ हजार ८ सय ६४ मिटर अग्लो नुप्से हिमालका लागि पहिलो आरोहण अनुमति जारी गरेको छ ।
आरोहण दलमा चार जना क्यानेडियन पुरुष सदस्य छन् । उक्त अनुमतिबाट सरकारले दुई लाख ८० हजार रुपियाँ रोयल्टी प्राप्त गरेको छ । विभागका अनुसार यी विदेशी नागरिकहरुको समूह नेपालले कारोना महामारीमा बनाएको नयाँ नियम पालना गर्ने पहिलो पर्वतारोही टोली भएको छ ।
