इसाई धर्मगुरु पोप फ्रान्सीसले मुस्लिम अगुवासँग सम्बन्ध सुधारको प्रयासको क्रममा मुस्लिम धार्मिक नेता अयातोल्लाह अलि सिस्तानीसँग भेटेर सम्बन्ध सुधारका लागि हात फैलाएका हुन्। उनको यो प्रयास र भेटवार्तालाई आधुनिक धार्मिक इतिहासमै एउटा ऐतिहासिक घटनाका रूपमा लिइएको छ।
आइतबार आफ्नो अन्तिम सार्वजनिक कार्यक्रममा सम्बोधन गर्दै पोप फ्रान्सिसले आफूले इराकमा दुःख र पीडा मात्र नभई आशा र मित्रताको आवाज पनि उठेको बताए । उनले इराकमा आधा दर्जनभन्दा बढी सार्वजनिक प्रवचन दिएका थिए, जसमा उनले आशा र भातृत्वको पक्षमा आफ्ना धारणा राखेका थिए ।
यो भ्रमण तथा भेटवार्ता बहुप्रतीक्षित थियो । पहिले नै हुने भनिएको भ्रमण कोरोना भाइरसको महामारीका कारण पछाडि सरेको थियो ।