सय दिन पूरा भएको अवसरमा किसानहरुले राजधानी सहर नयाँ दिल्लीका प्रमुख सडक ठप्प पारेर प्रदर्शन गरेका हुन्।
किसानले निरन्तर आन्दोलन गरिरहे पनि कानुन सही भएको भन्दै सरकारले माग सम्बोधन गर्न नसकिने बताउँदै आएको छ । त्यसका साथै भारतले किसान आन्दोलनको समर्थन गर्नेहरुलाई चेतावनी दिने तथा पक्राउ गर्नेजस्ता काम पनि गर्दै आएको छ ।
किसानहरूको संस्था संयुक्त किसान मोर्चाको तथ्यांकअनुसार आन्दोलनमा सहभागी हुने क्रममा अहिलेसम्म दुई सय ४८ जना किसानको मृत्यु भएको छ ।
किसान आन्दोलनमा अन्तर्राष्ट्रिय समुदायले पनि चासो देखाइरहेको अवस्थामा सरकारले भने आन्दोलनलाई दबाएरै छाड्ने तर कृषि कानुनबारे पछि नहट्ने नीति लिएको छ । विभिन्न चरणमा भएको वार्तामा पनि सरकारले किसानलाई तत्काल आन्दोलन फिर्ता लिन भनेको छ तर कानुन भने केही समयपछि कार्यान्वयनमा ल्याउने नीति अंगीकार गरेको छ । साथै सरकारले निरन्तर किसानको पक्षमा उठ्ने आवाजको पनि विरोध गर्दै आएको छ ।