विद्युतीय कार निर्माता टेस्लाका मालिक इलोन मस्कले विश्वकै सर्वाधिक धनी व्यक्तिको उपाधि गुमाएका छन्।
उनको मुख्य आम्दानीको स्रोत विद्युतीय कार निर्माता कम्पनीको शेयरमा गिरावट आएपछि उनले उक्त उपाधि गुमाएका हुन्।
मस्क ज्यानुअरीमा अमेजनका संस्थापक जेफ बेजोसलाई उछिन्दै विश्वकै सबैभन्दा धनी व्यक्ति बनेका थिए। ज्यानुअरीको सुरुवातको तुलनामा टेस्लाको शेयरमा २० प्रतिशतले गिरावट आएको छ। यो साता उनीहरूले तीव्र गिरावटको सामना गर्नुपरेको हो।
यसका लागि टेस्ला कम्पनीले बिट्क्वाइनमा गरेको जोखिमपूर्ण लगानीसँग रहेको ठानिएको छ। हालैका दिनहरूमा बिट्क्वाइनको मूल्य लगातार घटिरहेको छ।
टेस्लाले १ अर्ब ५० करोड डलर बराबरको बिट्क्वाइन किनेको र त्यसलाई भुक्तानीका रूपमा स्वीकार्ने योजना बनाएको बताएको थियो। त्यसपछि बिट्क्वाइनको मूल्यमा यो साता ५० प्रतिशतले कमी आएको छ।
मस्कको सम्पत्तिमा आएको गिरावटपछि अमाजनका मालिक जेफ बेजोस पुन: विश्वका सर्वाधिक धनी बनेका छन्।
