ट्विटर र भारत सरकारबीचको गतिरोध चलिरहेकै बखत ट्वीटरमा ह्यासट्याग कूएप ‘#kooapp’ ट्रेन्ड गरिरहेको छ। कू एप अहिले चार वटा भारतीय भाषाहरूमा उपलब्ध छ-हिन्दी, तमिल, तेलुगू तथा कन्नड। प्लेस्टोरमा कू एपलाई दश लाख भन्दा बढी पटक डाउनलोड गरिसकिएको छ।
मंगलबारको ट्वीटरमा मध्य प्रदेशका मुख्यमन्त्री शिवराज सिंह चौहान, रेलमन्त्री पीयूष गोयलसहित कयौं मन्त्रीहरूले आफूले ‘कु’को एकाउन्ट बनाएको बताए। बताएनन् मात्रै, उनीहरूले आममानिसलाई यसप्रकार (कू एप)को भारतीय माइक्रो ब्लगिङ साइतसँग जोडिनलाई अपिल समेत गरे।
कू एप ट्विटर जस्तै एक माइक्रो ब्लगिङ साइट हो। ट्विटरको नीलो चरा चिन्ह भएको एप छ भने कू को पहेँलो चरा छ। यस एपलाई मार्च २०२० मा लन्च गरिएको थियो। यसलाई बेंगलुरूको बाम्बीनेट टेक्नोलोजी प्रा.ली.ले निर्माण गरेको हो। यस एपलाई भारतकै अपरामेया राधाकृष्णण एवं मयन्क बिदवक्ताले डिजाइन गरेका हुन्। यसलाई ट्वीटरको देसी भर्जन भनिएको देखिन्छ।
भारतीय सरकारले झुटा समाचार फैलाएको भन्दै कतिपय ट्विटर खाता बन्द गराइदिन सो कम्पनीलाई भनेको थियो। उसले अमेरिकाको क्यापिटल भवनमा हमलाका बेला झुटा समाचार फैलाएकाहरूको खाता बन्द गराएको तर दिल्लीको लालकिलामा ज्यानुअरी २६ मा त्यस्तै घटना हुँदा उक्साउनेहरूको विरुद्धचाहिँ केही नगरेर 'दोहोरो मापदण्ड' प्रदर्शन गरेको आरोप भारत सरकारले लगाएको छ।
