यातायात व्यबस्था विभागले सवारी चालक अनुमति पत्रको नयाँ अनलाईन आवदन प्रणाली सुरु गर्न लागेको छ । विभागले आज मिति २०७९ जेठ १६ गते सोमबार बेलुका ६ बजेदेखि सवारी चालक अनुमति पत्रको नयाँ अनलाईन आवेदन प्रणाली सुरु गर्न लागेको जनाएको हो ।विभागले नयाँ सवारी चालक अनुमति पत्र प्राप्त गर्नका लागि applydl.dotm.gov.np मा लगईन गरी नयाँ आवेदन फाराम भर्न सकिने उल्लेख गरेको छ। त्यस्तै विभागले सवारी चालक अनुमति पत्र (नयाँ तथा वर्ग थप) गर्नका लागि हालसम्म परेका अनलाईन आवेदनहरु रद्द गरेको छ । वर्ग थप गराउन चाहने सेवाग्राहीका लागि आवेदन अर्को हप्ताको सोमबारबाट खुला गरिने विभागले जनाएको छ । यस संगै अब यस अघि वारी चालक अनुमति पत्र (नयाँ तथा वर्ग थप) गर्नका लागि आवेदन दिएकाले फेरि आवेदन दिनु पर्ने भएको छ ।
