अख्तियार दुरुपयोग अनुसन्धान आयोगको कार्यालय सुर्खेतले गत एक वर्षमा झण्डै १५ करोड विगो दाबीसहित ७० जनाविरुद्ध भ्रष्टाचार सम्बन्धी मुद्दा दायर गरेको छ ।
गत आर्थिक वर्ष २०७६-०७७ मा आयोगको सुर्खेत कार्यालयले २२ जना मुख्य र ७० जनालाई प्रतिबादी बनाउँदै १४ करोड ९३ लाख ३५ हजार ६४ रुपैयाँ बराबरको बिगो दाबी गरी मुद्दा (आरोप पत्र) दायर गरेको हो । त्यसमध्ये सात वटा घटनामा १४ जनालाई कार्यालयको विशेष टोलीले रंगेहात पक्राउ गरेको थियो ।
