जाओ फेलिक्स र लुइस सुआरेजको दुई–दुई गोलको सहयोगमा एट्लेटिको मड्रिडले प्रिमियर लिग फुटबलमा सहज जीत निकालेको छ । शनिबार राति भएको खेलमा एट्लेटिकोले आलाभेसलाई ४–१ गोलले हराएको हो । घरेलु मैदानमा भएको खेलमा एट्लेटिकोलाई जित दिलाउन फेलिक्स र सुआरेजले दुई–दुई गोल गरे । उता आलाभेसका लागि गोन्जालो स्कालान्टेले एक गोल फर्काए । खेलको ११औं मिनेटमा फेलिक्सले गोल गर्दै घरेलु टोलीलाई अग्रता दिलाए । पहिलो हाफमा १–० गोलको अग्रता लिएको एट्लेटिकोले दोस्रो हाफमा थप तीन गोल गर्यो ।