सौराहा, चितवन राष्ट्रिय निकुञ्ज छिर्ने १० प्रवेशद्वारमध्ये मुख्य नाका हो । चितवन निकुञ्ज घुम्न आउनेमध्ये अधिकांश पर्यटक यही बाटो भएर सफारीमा जाने गर्छन् । सौराहा आडको राप्ती किनारमा उभिएर हेर्दा निकुञ्ज जाँदै र फर्कंदै गरेका पर्यटक मात्रै हैन, बगरमा मजाले घाम ताप्दै गरेका मगर गोही र अति संकटापन्न वन्यजीव घडियाल गोहीसमेत देखिन्छन् । राप्ती खोला बस्तीमा छिर्ने आशंकाले त्यहाँ लगाएको तटबन्धन बलियो बनाउने काम बर्सेनि हुने गर्छ । पछिल्लो समय यो तटबन्ध थप टिकाउ बनाउन नौलो प्रविधि उपयोग भएको छ ।
