काठमाडौं (अस) । एभरेष्ट बैंकले काठमाडौंको बूढानीलकण्ठमा शाखा विस्तार गरी कारोबार सुरु गरेको छ । बैंकले बूढानीलकण्ठ शाखाबाट ग्राहकलाई आधुनिक बैंकिङ सुविधा दिइने जनाएको छ ।
बैंकका कार्यवाहक प्रमुख कार्यकारी अधिकृत डा. सन्धीर कुमार र बूढानीलकण्ठ नगरपालिका–३ का वडाध्यक्ष बालकृष्ण श्रेष्ठले संयुक्त रूपमा शाखा उद्घाटन गरे । कार्यक्रममा उद्योग वाणिज्य महासंघका कार्यकारी सदस्य दीपककाजी तुलाधर, एभरेष्ट बैंक बागमती प्रदेशका प्रादेशिक–प्रबन्धक सन्तोष भट्टराई, बैंकका बजार विभाग प्रमुख पुष्पराज उप्रेतीलगायत उपस्थित थिए ।
