धनगढी : बझाङमा २८ किलोग्राम चरेशसहित एक महिला पक्राउ परेकी छन्।जिल्लाको जयपृथ्वी नगरपालिका-३ मा २८ किलो चरेशसहित ३२ वर्षीया कल्पना रोकायालाई प्रहरीले मंगलबार पक्राउ गरेको जनाएको छ।बेलुका ६ बजेतिर विशेष सूचनाको आधारमा उनलाई पक्राउ गरिएको हो।जिल्ला प्रहरी कार्यालय बझाङ र सुदूरपश्चिम आरआइटीको संयुक्त टोलीले रोकायालाई जयपृथवी नगरपालिका-३ डुग्रीबाट पक्राउ गरेको जिल्ला प्रहरी कार्यालय बझाङका प्रहरी नायव उपरीक्षक ज्ञानबहादुर विष्टले बताए।यसबारे थप अनुसन्धान भइरहेको उनले बताए।
