छिमेक लघुवित्तको नाफा यस वर्ष साढे २१ प्रतिशत घट्यो

काठमाडौं । चालू आर्थिक वर्षको दोस्रो त्रैमाससम्म छिमेक लघुवित्त वित्तीय संस्था लिमिटेडले ४३ करोड ६२ लाख रूपैयाँभन्दा बढी खुद नाफा गरेको छ । गत वर्षको यसै अवधिसम्मको तुलनामा यस वर्ष कम्पनीको खुद नाफा २१ दशमलव ५५ प्रतिशत कम भएको हो । गत वर्ष यस अवधिसम्म कम्पनीले ५५ करोड ६० लाख रूपैयाँभन्दा बढी खुद नाफा गरेको थियो । दोस्रो त्रैमाससम्म कम्पनीको वितरणयोग्य नाफा १ अर्ब २८ करोड ९३ लाख रूपैयाँभन्दा बढी रहेको छ । यस वर्ष इम्पेरमेन्ट चार्ज बढ्दा खुद नाफा घट्न पुगेको हो । गत वर्ष २० करोड २९ लाख रूपैयाँभन्दा बढी रहेको इम्पेरमेन्ट चार्ज यस वर्ष २४ करोड ८ लाख रूपैयाँभन्दा बढी रहेको छ । हाल कम्पनीको चुक्तापूँजी २ अर्ब ९७ करोड ७१ लाख ७२ हजार रूपैयाँ रहेको छ । शेयर प्रिमियम ४ करोड रूपैयाँभन्दा बढी रहेको कम्पनीको रिटेन्ड अर्निग १ अर्ब २८ करोड ९३ लाख रूपैयाँभन्दा बढी रहेको छ । जगेडा कोष रकम २ अर्ब ५८ करोड रूपैयाँभन्दा बढी रहेको छ । दोस्रो त्रैमाससम्म कम्पनीले ३१ अर्ब ८८ करोड ९६ लाख रूपैयाँभन्दा बढी निक्षेप संकलन गरेको छ भने ३१ अर्र्ब ८७ करोड ६१ लाख रूपैयाँभन्दा बढी कर्जा प्रवाह गरेको छ । प्रतिशेयर आम्दानी २९ रूपैयाँ ३० पैसा रहेको कम्पनीको प्रतिशेयर नेटवर्थ २३१ रूपैयाँ ५२ पैसा रहेको छ । रिपाेट हेर्न यहाँ क्लिक गर्नुहाेस