काठमाडौं (अस) । महालक्ष्मी विकास बैंकले महाराजगञ्ज र नक्साल (भाटभटेनी) क्षेत्रमा क्यूआर कोड वितरण कार्यक्रम सम्पन्न गरेको छ । डिजिटल बैंकिङलाई प्रोत्साहन गर्ने उद्देश्यले बैंकले क्यूआर कोड वितरण गरेको हो । सोमवार बैंकको महाराजगञ्ज शाखा र भाटभटेनी शाखाले फलफूल पसल, कपडा पसल, खाजा घर, खुद्रा पसल, होटेल तथा रेष्टुराँ लगायत विभिन्न पसलमा क्यूआर कोड वितरण गरेको हो । उक्त क्यूआर कोडको प्रयोगबाट नगद कारोबार निरुत्साहित भई डिजिटल बैंकिङ कारोबारमा सहयोग पुग्ने विश्वास बैंकले लिएको छ ।
