काठमाडौं (अस) । नेपालका लागि जेसीबीको आधिकारिक विक्रेता ‘एमएडब्ल्यू अर्थमुभर्स’ दक्षिण एशियाकै सर्वोत्कृष्ट जेसीबी डिलर बनेको छ । जेसीबी इन्डियाले आफ्नो डिलर्स मिटमा कम्पनीलाई ‘दक्षिण एशियाकै सर्वोत्कृष्ट डिलर २०२१’ घोषणा गरेको हो । दक्षिण एशियाकै सर्वोत्कृष्ट डिलर बनेपछि जेसीबी इण्डियाले उक्त कम्पनीलाई सम्मान गरेको छ ।
जेसीबी यूकेका निर्देशक जर्ज बामफोर्ड, ग्रूप सीईओ ग्राहम म्याकडोनाल्ड र जेसीबी इन्डियाका प्रबन्ध निर्देशक तथा प्रमुख कार्यकारी अधिकारी दीपक शेट्टीले एमएडब्ल्यू अर्थमुभर्सका अध्यक्ष विष्णुकुमार अग्रवाललाई सर्वोत्कृष्ट डिलरको अवार्ड हस्तान्तरण गरेका हुन् ।
कार्यक्रमलाई सम्बोधन गर्दै कम्पनीका अध्यक्ष अग्रवालले ग्राहक र कर्मचारीकै सहयोगमा एमएडब्ल्यू दक्षिण एशियाकै सर्वोत्कृष्ट जेसीबी डिलर बनेको बताए । ‘हामीलाई विश्वास छ, हाम्रा ग्राहक, सरोकारवाला र कर्मचारीको निरन्तर साथ रहेमा हामी अझ धेरै सफलताको उचाइमा पुग्नेछौं,’ अग्रवालले भने ।
