काठमाडौँ – त्रिभुवन अन्तर्राष्ट्रिय विमानस्थलबाट मुम्बई उड्न लागेको नेपाल एयरलाइन्सको विमानबाट यात्रु ओरालिएको छ। विमानमा शंकास्पद व्यक्ति चढेको आशंकामा बोर्डिङ पास भइसकेको विमानबाट यात्रु निकालेर खानतलासी गरिएको हो। विमानस्थल प्रहरी स्रोतका अनुसार एक जनालाई नियन्त्रणमा लिइएको छ। अहिले विमानको अन्य सुरक्षा जाँच भइरहेको विमानस्थल प्रहरी स्रोतले बताएको छ।
