नेपालले बुधबार नेपाल भ्रमण वर्ष २०२० को भव्य सुरुवात गरेको छ । ‘लाइफटाइम एक्सपिरियन्सेज’ भन्ने नाराका साथ बुधबार राजधानी काठमाडौंसहित प्रदेशका राजधानीलगायत अन्य जिल्लाबाट तथा स्थानीय तहबाट समेत नेपाल भ्रमण वर्षको भव्य शुभारम्भ भएको हो ।
पर्यटनमार्फत मुलुकको दिगो आर्थिक विकास गर्ने लक्ष्यका साथ सुरु गरिएको नेपाल भ्रमण वर्षलाई राष्ट्रपति विद्यादेवी भण्डारीले महाअभियानको संज्ञा दिएकी थिइन् ।
