काठमाडौं : देशका विभिन्न स्थानमा बिहीबार आंशिक बदलीको सम्भावना छ। गण्डकी, लुम्बिनी, बागमती र प्रदेश १ का पहाडी भू–भागमा आंशिक बदली हुने जल तथा मौसम विज्ञान विभागको अनुमान छ। बाँकी भू–भागमा मौसम सामान्यतया सफा रहनेछ। बिहान तराई भूभागका केही स्थानमा हुस्सु र कुहिरो लाग्नुको साथै पहाडी भू–भागमा आंशिक बदली रहेको छ। विभागका अनुसार आज बिहान काठमाडौंको न्यूनतम तापक्रम ८.२ डिग्री सेल्सियस मापन भएको छ। बुधबार ५.८ डिग्री सेल्सियस रहेको थियो।
