फिफा विश्वकप लगायतका खेलमा ३ करोड रुपैयाँभन्दा बढी सट्टाबाजी गरेको आरोपमा प्रहरीले दुई जनालाई पक्राउ गरेको छ। ‘वन एक्स बेट’ मार्फत सट्टाबाजी गराएको आरोपमा प्रहरीले भक्तपुर नगरपालिका–१६ का सुनिल चौगुठी र भक्तपुर नगरपालिका–१२ का अजय भेललाई पक्राउ गरेको हो। सुनिलको बैंक खाताबाट २करोड४५लाख७१हजार८९९रूपैयाँ र अजयको बैंक खाताबाट ६०लाख२९हजार९१५रुपैयाँ बराबरको कारोबार भएको अनुसन्धानबाट खुल्न आएको प्रहरीले जनाएको छ।
