काठमाडौं । नेपालको जनगणना २०७८ को पूर्ण विवरण आएसँगै नेपालको अर्थतन्त्रलाई निर्धारण गर्ने पक्षहरूका आँकडा सार्वजनिक हुन थालेका छन् ।
यस जनगणनाको हालै सार्वजनिक तथ्यांकअनुसार नेपालमा आर्थिक रूपले सक्रिय १० वर्ष वा सोभन्दा बढी उमेर भएको जनसंख्या पनि एक महत्वपूर्ण पाटोको रूपमा रहिआएको छ ।
नेपालको जनगणना २०७८ का अनुसार नेपालमा यस उमेर समूहका आर्थिक रूपले सक्रिय जनसंख्या १ करोड ४९ लाख ८३ हजार ३१० रहेको छ । उक्त जनसंख्यामध्ये १ दशमलव १४ प्रतिशतको प्रमुख पेशाको रूपमा मानव स्वास्थ्य र सामाजिक कार्य गतिविधि रहेको छ । कुल पुरुषमा १ दशमलव शून्य २ प्रतिशत पुरुष यो पेशामा आबद्ध छन् भने कुल महिलामध्ये १ दशमलव २७ प्रतिशत यो पेशामा आबद्ध रहेको पाइन्छ ।
शहरमा मानव स्वास्थ्य र सामाजिक कार्य गतिविधि पेशामा आबद्ध जनसंख्याको हिस्सा १ दशमलव ४७ प्रतिशत रहेको छ भने यो हिस्सा गाउँपालिकामा शून्य दशमलव ५६ प्रतिशत रहेको छ । हिमालमा यो पेशामा आबद्ध जनसंख्याको हिस्सा शून्य दशमलव ७४ प्रतिशत, पहाडमा १ दशमलव ३५ प्रतिशत र तराईमा १ दशमलव शून्य २ प्रतिशत रहेको छ ।
प्रदेशगत रूपमा हेर्दा कोशी प्रदेशमा मानव स्वास्थ्य र सामाजिक कार्य गतिविधि पेशामा आबद्ध जनसंख्याको हिस्सा शून्य दशमलव ९५ प्रतिशत, मधेश प्रदेशमा शून्य दशमलव ९० प्रतिशत, बागमती प्रदेशमा १ दशमलव ९९ प्रतिशत, गण्डकी प्रदेशमा १ दशमलव १२ प्रतिशत र लुम्बिनी प्रदेशमा शून्य दशमलव ८८ प्रतिशत रहेको छ । यसैगरी कर्णाली र सुदूरपश्चिम प्रदेशमा मानव स्वास्थ्य र सामाजिक कार्य गतिविधि पेशामा आबद्ध जनसंख्याको हिस्सा समान शून्य दशमलव ७८ प्रतिशत रहेको छ ।
