काठमाडौं। टोकियो ओलम्पिक २०२० को तेस्रो दिन आज २१ स्वर्ण पदकका लागि विभिन्न विधामा प्रतिस्पर्धा हुँदैछ। यस ओलम्पिकको पहिलो दिन ११ र दोस्रो दिन १८ स्वर्ण पदकका लागि प्रतिस्पर्धा भएको थियो। आज आर्चरी, आटिस्टिक जिम्नास्टिक, साइक्लिङ, डाइभिङ, फेन्सिङ, जुडो, सुटिङ, स्केटबोर्डिङ, स्वीमिङ, टेबल टेनिस, तेक्वान्डो, भारोत्तोलनलगायतमा प्रतिस्पर्धा हुनेछ। हालसम्म १७ देशले २९ स्वर्ण पदक हात पारिसकेका छन्।
