धनुषा। पल्स अक्सिमिटरको कालोबजारी गरेको आरोपमा बिनिता सर्जिकल स्टोरका सञ्चालक भुपनारायण शाहलाई प्रहरीले पक्राउ गरेको छ। उनलाई जनकपुर उपमहानगरपालिका–९ स्थित उनको स्टोरबाट आइतबार पक्राउ गरिएको हो। उक्त स्टोरबाट एक हजार ७ सय रुपैयाँ पर्ने पल्स अक्सिमिटर तीन हजार रुपैयाँसम्ममा बिक्री गरेको थाहा पाएपछि प्रहरीले शाहलाई पक्राउ गरेको जनाएको छ। स्टोरबाट २८ थान पल्स अक्सिमिटरसमेत प्रहरीले बरामद गरेको छ।
