कात्तिक महीनामा मात्र जीवन बीमा कम्पनीहरुको बीमाशुल्क आर्जन १० अर्बभन्दा बढी

मंसिर १८, काठमाडौं । कात्तिक महीनामा मात्र १९ ओटा जीवन बीमा कम्पनीहरुले रू. १० अर्ब १९ करोड ८२ लाखभन्दा बढी कुल बीमाशुल्क आर्जन गरेका छन् । बीमा समितिले दिएको तथ्यांक अनुसार यी कम्पनीहरुले प्रथम बीमाशुल्क, नविकरण बीमाशुल्क र वैदेशिक रोजगार बीमाशुल्क बापत उक्त रकम संकलन गरेका हुन् । १९ ओटा जीवन बीमा कम्पनीहरुमध्ये सिटिजन लाइफ, सन नेपाल लाइफ, ज्योति लाइफ र नेपाल लाइफले मात्र कुल बीमाशुल्कमा प्रथम बीमाशुल्क, नविकरण बीमाशुल्क बाहेक वैदेशिक रोजगार शीर्षकबाट पनि बीमाशुल्क आर्जन गरेका हुन् । कुल बीमाशुल्क आर्जनमा नेपाल लाइफ इन्स्योरेन्स अग्र स्थानमा रहेको छ । कात्तिक महीनामा मात्र नेपाल लाइफले रू. २ अर्ब ६४ करोड ४३ लाखभन्दा बढी कुल बीमाशुल्क आर्जन गरेको हो । नेपाल लाइफले प्रथम बीमाशुल्क रू. ६२ करोड ४३ लाख, नविकरण बीमाशुल्क रू. २ अर्ब १ करोड ९४ लाख र वैदेशिक रोजगार बीमा शुल्कवापत रू. ४ लाखभन्दा बढी रकम संकलन गरेको हो । नेपाल लाईफ इन्स्योरेन्स पछि लाइफ इन्स्योरेन्स कर्पोरेशन नेपालले सर्वाधिक दोस्रो नम्बरमा कुल बीमाशुल्क आर्जन गरेको छ । लाइफ इन्स्योरेन्स कर्पोरेशनले कात्तिक महीनामा मात्र रू. १ अर्ब ३३ करोड ६५ लाख कुल बीमा शुल्क आर्जन गरेको हो । यस कम्पनीले प्रथम बीमाशुल्क वापत रू. २३ करोड ८ लाख र नविकरण बीमाशुल्क वापत रू. १ अर्ब १० करोड ५७ लाखभन्दा बढी रकम संकलन गरेको हो । महालक्ष्मी लाइफले कात्तिक महीनामा सबैभन्दा कम कुल बीमाशुल्क आर्जन गरेको छ । यस कम्पनीले रू. १० करोड ८० लाख कुल बीमाशुल्क आर्जन गरेको हो । महालक्ष्मी लाइफले प्रथम बीमाशुल्क वापत रू. ४ करोड १४ लाख र नविकरण बीमाशुल्क वापत रू. ६ करोड ६६ लाख रकम संकलन गरेको हो । जीवन बीमा कम्पनीहरुले कात्तिक महीनामा संकलन गरेको बीमाशूल्क : स्रोतः बीमा समिति

पूर्ण विवरण

सम्बन्धित सामग्री

आर्थिक मन्दीको प्रभाव जीवन बीमामा, प्रथम बीमाशुल्क २५ प्रतिशतले घट्यो

२६ साउन, काठमाडौं । गत आर्थिक वर्ष २०७९/८० मा जीवन बीमा कम्पनीहरुले १ खर्ब ४२ अर्ब ३५ करोड ५६ लाख रुपैयाँ बीमाशुल्क आर्जन गरेका छन् । १५ वटा जीवन बीमा कम्पनी र २ वटा लघुवित्त कम्पनीहरुले उक्त बीमाशुल्क संकलन गरेको नेपाल बीमा प्राधिकरणले जनाएको छ । २ लाख ५ हजार रुपैयाँ बीमा शुल्क लघुबीमा कम्पनीले […]

अनलाइनखबर आषाढ २०८०

नेपाल लाइफको सुनौलो भविष्य बीमा

काठमाडाैं । नेपालको अग्रणी जीवन बीमा कम्पनी दाबी गर्ने नेपाल लाइफ इन्स्योरेन्सले नेपाल लाइफ सुनौलो भविष्य जीवन बीमा नामको नयाँ योजना ल्याएको छ । कम्पनीले आज एक कार्यक्रम गरी यो योजना सार्वजनिक गरेको हो । कम्पनीका नायव प्रमुख कार्यकारी अधिकृत अमितकुमार कयालले यस बीमा योजनाको अनावरण गर्नुभएको हो । आफु तथा आफ्नो परिवारलाई कहिल्यै पनि […]

Image Khabar फाल्गुन २०७९

जीवन बीमा कम्पनी : व्यवसायमा झीनो सुधार

काठमाडौं । चालू आर्थिक वर्ष (आव) को दोस्रो त्रैमासमा जीवन बीमा कम्पनीहरूको व्यवसायमा झीनो सुधार देखिएको छ । वित्तीय क्षेत्रमा तरलताको अभाव, आर्थिक गतिविधिमा देखिएको कमी र उच्च महँगीलगायतको प्रभाव बीमा कम्पनीहरूको व्यवसायमा देखिएको हो । नेपाल बीमा प्राधिकरणले प्रकाशित गरेको तथ्यांकअनुसार चालू आवको पुससम्ममा जीवन बीमा कम्पनीहरूले ७१ अर्ब ६५ करोड २० लाख रुपैयाँ बीमाशुल्क संकलन गरेका छन् । अघिल्लो आवको यसै अवधिको तुलनामा यो १ दशमलव शून्य ४ प्रतिशतमात्र बढी हो । अघिल्लो आवको पुससम्ममा देशका सबै जीवन बीमा कम्पनीहरूले ७० अर्ब ९१ करोड ३९ लाख रुपैयाँ बीमाशुल्क उठाएका थिए । पोहोर पुसमा बीमा कम्पनीहरूमा १ करोड १० लाखओटा बीमालेख सक्रिय रहेकोमा यसपालि पुसमा आइपुग्दा सक्रिय बीमालेखको संख्या १ करोड ४१ लाख पुगेको छ । प्राधिकरणको तथ्यांकअनुसार पुससम्ममा सबैभन्दा धेरै बीमाशुल्क आर्जन गर्नेमा नेपाल लाइफ इन्स्योरेन्स कम्पनी रहेको छ । यसले १८ अर्ब ६३ करोड रुपैयाँ बीमाशुल्क आर्जन गरेको छ । सबैभन्दा कम बीमाशुल्क आर्जन गर्नेमा सूर्या र ज्योति लाइफ इन्स्योरेन्स गाभिएर बनेको कम्पनी सूर्यज्योति लाइफ इन्स्योरेन्स छ । यसले ५९ करोड ४२ लाख रुपैयाँ कुल बीमा शुल्क आर्जन गरेको प्राधिकरणले जानकारी दिएको छ । यी दुई कम्पनी पुस ६ गते मर्जर भएकोले सूर्यज्योतिको बीमाशुल्क सोही मितिदेखिको मात्र समावेश छ । कम्पनीहरूले चालू आवको पुसमा १२ अर्ब १३ करोड रुपैयाँ बीमाशुल्क संकलन गरेका छन् । यस अवधिमा ११ लाख ४४ हजार ओटा बीमालेख विक्री भएको प्राधिकरणको भनाइ छ । मङ्सिरको तुलनामा पुसमा कम्पनीहरूको बीमालेख संख्या वृद्धि भए पनि बीमाशुल्क भने घटेको पाइएको छ । मङ्सिरमा जीवन बीमा कम्पनीहरूले १० लाख १ हजार बीमालेख विक्री तथा नवीकरणबाट १३ अर्ब ५० करोड बीमाशुल्क संकलन गरेका छन् । प्राधिकरणका कार्यकारी निर्देशक तथा प्रवक्ता राजुरमण पौडेलले आर्थिक गतिविधि घटेसँगै गिरावट आएको बीमा व्यवसायमा पछिल्लो समय केही सुधार देखिएको बताए । पुसको तथ्यांकको आधारमा आगामी दिनमा बीमा व्यवसाय विस्तार हुने उनले अनुमान गरे । तर, जीवन बीमा कम्पनीको व्यवसाय विस्तार निर्जीवनको तुलनामा कमजोर देखिएको छ । गत आवको पुसको तुलनामा चालू आवको पुसमा निर्जीवन बीमा कम्पनीहरूको व्यवसाय ११ दशमलव ७९ प्रतिशतले वृद्धि भएको छ । चालू आवकै मङ्सिरको तुलनामा भने कम्पनीहरूको व्यवसाय ५६ दशमलव ६५ प्रतिशतले वृद्धि भएको प्राधिकरणले जानकारी दिएको छ ।

Aarthik Abhiyan पौष २०७९

जीवन बीमा कम्पनी : बढी बिक्ने बीमालेखमा कसको बोनस दर कति ?

काठमाडौं । जीवन बीमा कम्पनीहरूले आफ्नो कारोबारको आकार बढाउन निष्कासन गरेका बीमालेख धेरैले किनून् भनेर प्रयास गरिरहेका हुन्छन् । बीमालेख विक्री संख्याले कम्पनीको वर्तमान र भविष्य निर्धारण गर्छ । बीमालेख विक्रीमा बीमाको किसिम, बीमा अवधि र बोनस दरको हात हुन्छ । देशमा सञ्चालित जीवन बीमा कम्पनीहरूको सावधिक बीमा योजना सबैभन्दा बढी विक्री भएको पाइन्छ । कम्पनीहरूले ल्याउने सावधिक बीमा योजना पनि फरकफरक अवधिका हुन्छ । १५ वर्ष वा त्यस आसपासका सावधिक बीमा योजना बढी विक्री भएको तथ्यांकले देखाउँछ । १५ वर्ष वा त्यस आसपासका सावधिक बीमा योजनामा अपवादबाहेक अधिकतम बोनस दर दिएका कम्पनीहरूले बढी बीमालेख विक्री गर्न सफल भएको हुँदा सबै कम्पनीले आकर्षक बोनस दर राख्न प्रयत्न गर्छन् । यसरी हुन्छ बोनस दर निर्धारण बोनस दर निर्धारण गर्दा बीमा कम्पनीहरूले एकच्युरीबाट प्रत्येक वर्षको सम्पत्ति र दायित्वको वास्तविक मूल्य निर्धारण गराउनुपर्छ । एकच्युरीबाट भएको मूल्य निर्धारण बीमा कम्पनीहरूले नेपाल बीमा प्राधिकरणमा पेश गर्नुपर्ने कानूनी व्यवस्था छ । कम्पनीले एकच्युरीबाट गरेको वास्तविक मूल्य निर्धारण आर्थिक वर्ष सकिएको ५ महीनाभित्र प्राधिकरणमा पेश गर्नुपर्ने व्यवस्था छ । बीमा कम्पनीहरूले पठाएको वास्तविक मूल्य निर्धारण ठीक छ कि छैन भनेर हेर्न बीमा प्राधिकरणमा पनि एकच्युरी हुन्छ । बीमा प्राधिकरणको एकच्युरीपछि कम्पनीहरूले त्यसमा समीक्षा गर्छन् । कम्पनीहरूको समीक्षापछि प्राधिकरणले बोनस दर स्वीकृत गर्छ । बीमा प्राधिकरणले स्वीकृत गरेको बोनस दर नै कायम हुन्छ ।

Aarthik Abhiyan पौष २०७९

९ वटा जीवन बीमा कम्पनी मर्जमा नजाने, कसरी पुर्‍याउँदैछन् ५ अर्ब पूँजी ?

काठमाडौं । बीमा समितिले बीमा कम्पनीहरुलाई आगामी चैतमसान्तभित्र मर्जरमा गइसक्न भनेको छ । यसबीचमा १९ बीमा कम्पनी मर्जरमा जाने भएका छन् । केही बीमा कम्पनी भने मर्जमा नजाने देखिएका छन् । ती कम्पनीहरुले आफ्नै पूँजी वृद्धि गर्ने कार्ययोजना बीमा समितिमा पेश गरेका छन् । अहिले १९ जीवन बीमा कम्पनी र १९ निर्जीवन बीमा कम्पनी रहेका […]

Nepal Press श्रावण २०७९

नेपाल लाइफ ‘देशकै नम्बर १’ बीमा कम्पनी भएको दाबी

काठमाण्डाै – नेपाल लाइफ इन्स्योरेन्स कम्पनी लिमिटेडले आफूलाई जीवन बीमाकाे क्षेत्रमा ‘देशकै नम्बर १’ जीवन बीमा कम्पनी भएको दाबी गरेको छ । नेपाल लाइफले पत्र पत्रिका, आफ्ना सामाजिक सञ्जाललगायत सञ्चारमाध्यममार्फत ‘नेपालकै नं. १ अभियान’ सार्वजनिक गरी तथ्य परक प्रमाणहरू प्रस्तुत गर्दै याे दाबी गरेको हो । कम्पनीले प्रस्तुत गरेका तथ्य परक जानकारीहरूका अनुसार आ.व. २०७८/७९ को पहिलो त्रैमास अन्त्यसम्म कम्पनीसँग ११८.७६ अर्ब रुपैयाँको सर्वाधिक जीवन बीमा कोष, २९ लाख ८३ हजार १६ सर्वाधिक बीमालेख जारी, ४०.५० अ...

उज्यालो अनलाइन मंसिर २०७८

थप दुई जीवन बीमा कम्पनी आइपिओ निष्कासनको पाइपलाइनमा

थप दुई जीवन बीमा कम्पनी आइपिओ निष्कासनका लागि धितोपत्र बोर्डको पाइपलाइनमा रहेका छन्।

सेतोपाटी आषाढ २०७८

बोर्डबाट ३ कम्पनीले पाए आइपिओको स्वीकृति, मैलुङखोलाको १४ गतेदेखि खुल्ने

नेपाल धितोपत्र बोर्डबाट ३ कम्पनीले आइपिओ निष्कासनको स्वीकृति पाएका छन्। स्वीकृति पाउने कम्पनीमा एक जीवन बीमा कम्पनी, एक लघुवित्त र एक जलविद्युत कम्पनी छन्।

सेतोपाटी आषाढ २०७८

जीवन बीमा शुल्क २८.७१ प्रतिशतले बढ्यो

नियामक निकाय बीमा समितिले जीवन बीमा क्षेत्रको बीमा शुल्क २८.७१ प्रतिशतले बढेको जनाएको छ । गत आर्थिक वर्ष २०७७/७८ को कुल बीमा शुल्क मध्येबाट जीवन बीमातर्फ २८.७१ प्रतिशत र निर्जीवन बीमा तर्फ १५.३५ प्रतिशतले शुल्क वृद्धि भएको समितिले जनाएको हो । गत साउन १ बीमा समितिले सबै जीवन बीमा कम्पनी र निर्जीवन बीमा कम्पनीहरुको स्थलगत अनुगमनबाट प्राप्त तथ्याङ्कबाट यस्तो देखिएको समेत समितिले जनाएको छ । समितिका अनुसार गत आर्थिक वर्ष २०७७/७८ मा जीवन बीमा कम्पनीहरूबाट कुल १ खर्ब २० अर्ब ५५ करोड २३ लाख रु

Ratopati आषाढ २०७८