स्वास्थ्य सूचकमा सुधार भए पनि सेवा गुणस्तरहीन र महँगो: अर्थमन्त्रीको आर्थिक स्थितिपत्र

श्वेतपत्रले स्वास्थ्य सेवा गुणस्तरीय र विश्वसनीय नहुँदा जटिल रोगको उपचारका लागि नेपालीहरू विदेश जाने प्रवृत्ति नरोकिएको र स्वास्थ्य सेवा दिनानुदिन महँगो हुँदै गएकोमा चिन्ता व्यक्त गरेको छ। आम नागरिकलाई सुलभ स्वास्थ्य सेवा पुर्‍याउन सुरु गरिएको स्वास्थ्य बीमा कार्यक्रम आफैँ समस्यामा परेको श्वेतपत्रमा उल्लेख छ।