काठमाडौं : भक्तपुरमा पानी ट्यांकरमा ठोक्किँदा मोटरसाइकल चालकको मृत्यु भएको छ। मोटरसाइकल चालक मध्यपुर ठिमी नगरपालिका–१ लोकन्थली का २६ वर्षीय राजन दुवारीको मृत्यु भएको जिल्ला प्रहरी परिसर भक्तपुरले जनाएको छ। गएराति भक्तपुर नगरपालिका–१ नगरकोट मोड जयनेपाल चोकमा बागमती प्रदेश ०२–०३१ प ७८६२ नम्बरको मोटरसाइकल बा ४ ख ४२६८ नम्बरको पानी ट्यांकरसँग ठोक्किएको थियो। दुर्घटनामा संलग्न सवारीसाधनका साथै ट्यांकर चालकलाई प्रहरीले नियन्त्रणमा लिएको छ।
