काठमाडौं। प्रधानमन्त्री नियुक्तिको सूचनालाई लिएर नवनियुक्त प्रधानमन्त्री शेरबहादुर देउवा र राष्ट्रपति कार्यालयबीच पहिलो दिनमै टसल देखिएको छ। सूचनामा संविधानको धारा नराखी अदालतको फैसलामात्रै उल्लेख गरेपछि देउवाले नसच्चिएसम्म सपथ नै नलिने अड्डी कसे। अन्ततः ढिलोगरी नियुक्तिको सूचना सच्याइएपछि मात्रै देउवाले शपथ लिए। यसरी राष्ट्रपति कार्यालय र प्रधानमन्त्रीको टसलले गर्दा शपथ समारोह निर्धारित समयभन्दा दुईघण्टा ढिलो हुनपुगेको थियो।
