सुवासजीसँग मेरो २०४६ सालको आन्दोलनदेखि परिचय र सहकार्य हुँदै आएको हो । मुख्यगरी सात राजनीतिक दल र माओवादीबीच १२ बुँदे समझदारी, शान्ति प्रक्रियामा आएपछि उहाँसँग नजिकबाट सहकार्य गर्ने मौका जुर्यो । संविधानसभा रहने क्रममा उहाँ संविधानसभाको अध्यक्ष र म प्रधानमन्त्री अनि दोस्रो संविधानसभामा म संवैधानिक समितिको सभापति थिएँ । त्यसबेला निकट सम्बन्ध राखेर काम गर्ने अवसर मिल्यो ।
