गर्गाचार्य सामुदायिक विश्वभाषा पुस्तकालयले प्रदान गर्ने विभिन्न पुरस्कारबाट नौ जना स्रष्टा पुरस्कृत भएका छन् । आदिकवि भानुभक्त आचार्यको २११ औं जन्मजयन्तीको अवसरमा उक्त पुरस्कार वितरण गरिएको हो । धनकुटा नगरपालिका-५ देवानटारस्थित पुस्तकालयले भाषा, साहित्य, कला संस्कृति तथा पत्रकारिताको क्षेत्रमा योगदान पुर्याउने व्यक्तिहरुलाई पुरस्कृत तथा सम्मानित गरेको पुस्तकालयका अध्यक्ष घनश्याम बरालले जानकारी दिए ।