साउन १३, काठमाडौं । रिलायन्स लाइफ इन्स्योरेन्सले मृत्यु दाबी बापत २ करोड ५० लाख रुपैयाँ भुक्तानी गरेको छ । कम्पनीले बुधवार एक कार्यक्रम आयोजना गरी बीमितको श्रीमतीलाई सो दाबी रकम भुक्तानी गरेको हो ।
२० वर्षीय बीमित सजन विकको मृत्यु दाबी बापत उनकी श्रीमती सपना मल्ललाई २ करोड ५० लाख रुपैयाँ बराबरको रकम भुक्तानी गरेको हो । मृतकका श्रीमती मल्ललाई बीमा समितिका अध्यक्ष सूर्यप्रसाद सिलवालले सो रकम बराबरको चेक हस्तान्तरण गरेका हुन् ।
दाबी वापतको रकम भुक्तानी गर्दै अध्यक्ष सिलवालले बीमा कम्पनीले दाबी भुक्तानी नदिने भन्ने भ्रम रहेको बताए । यस्तै कम्पनीका प्रमुख कार्यकारी अधिकृत प्रवीण रमण पराजुलीले मृतक बीमितको परिवारलाई उक्त रकमले सहयोग पुग्ने बताए ।
