कालीकोट - मुगुबाट नेपालगञ्ज जाँदै गरेको बस दैलेखको आठबिस नगरपालिका २ सिस्नेमा दुर्घटनामा हुँदा तीन जनाको ज्यान गएको छ ।
म १ ख ६६० नम्बरको बस आठबिसको सिस्ने भन्ने ठाउँको सडकबाट कर्णाली नदीमा खसेको हो । दुर्घटनामा घाइते भएकामध्ये ३८ जनालाई सुर्खेत रेफर गरिएको र नौ जनाको स्थानीय स्वास्थ्य चौकीमा पठाएको दैलेखका प्रजिअ हरि प्याकुरेलले जानकारी दिनुभयो ।
दुर्घटनामा ज्यान गुमाउनेको पहिचान खुल्न सकेको छैन । थप विवरण आउन बाँकी छ ।