झापा : झापा गाउँपालिका-१ स्थित मिलन बस्तीका घर डुबानमा परेका छन्।बुधबार राति परेको अविरल वर्षापछि ठूलो माई खोलाको पानीको बहाव ह्वातै बढेपछि गाउँमा पानी पसेको प्रहरी कार्यालय झापाका डिएसपी राकेश थापाले जानकारी दिए। माई खोलाको पानी गाउँमा पस्दा त्यहाँका ८४ घर डुबानमा परेका छन्। घरभित्र साढे २ फिट जति पानी छिरेकाले त्यहाँका स्थानीयलाई सुरक्षित स्थानतर्फ सारिएको डिएसपी थापाले बताए। इलाका प्रहरी कार्यालय कुमरखोदको टोलीले स्थानीय पालिकासँग समन्वय गरेर स्थानीयलाई अन्यत्र सारेका हुन्।'
