महिला बालबालिका तथा ज्येष्ठ नागरिकमन्त्री उमा रेग्मीले उच्च ओहोदामा पुगेका महिलाहरूबाटै महिलामाथि हुने हिंसा र विभेद अन्त्यका लागि सहयोग नभएको गुनासो पोखेकी छन् । ‘महिलाको मुद्दामा छलफल गर्न र औपचारिक कार्यक्रमका लागि मलाई राष्ट्रपति विद्यादेवी भण्डारीले नै समय दिनुभएन । दुई-चार जना महिलामात्रै उच्च ओहोदामा पुगेका छौँ । तर, उच्च ओहोदामा पुगेका महिलाले पनि महिलाका मुद्दालाई खास महत्त्व नदिँदा महिलाले न्यायको अनुभूत गर्न सकेका छैनन्,’ उनले भनिन् ।
