अध्यक्षमा पराजित राप्रपाका तत्कालिन अध्यक्ष कमल थापा नवनिर्वाचित केन्द्रीय पदाधिकारी तथा केन्द्रीय सदस्यहरुको सपथ ग्रहण तथा प्रमाणपत्र वितरण समारोहमा सहभागी भएनन् । थापा अध्यक्षमा राजेन्द्र लिङदेनसँग पराजित भएका थिए ।मत परिणाम सार्वजनिक भएपछि आइतबार दिउँसो आयोजित महाधिवेशन समापन तथा नवनिर्वाचित पदाधिकारी तथा केन्द्रीय सदस्यहरुको सपथ ग्रहण र प्रमाणपत्र वितरण कार्यक्रममा निवर्तमान अध्यक्षद्धय पशुपति शमशेर राणा र डा. प्रकाशचन्द्र लोहनी भने सहभागी भएका थिए ।
