काठमाडौं। चौधरी ग्रुपअन्तर्गतको सीजी फुड्सले वाइवाइ चाउचाउको व्यावसायिक दूतमा बलिउड अभिनेता आयुष्मान खुरानालाई नियुक्त गरेको छ । सीजी फुड्स एण्ड सीजी कर्प ग्लोबल इण्डियाका प्रबन्ध निर्देशक वरुण चौधरीले खुरानासँग सहकार्यको उच्च अभिलाषा छोटो समयमा पूरा भएको बताए ।
सहकार्यले वाइवाइ चाउचाउको ब्राण्डलाई थप स्थापित गराउन सहयोग पुर्याउने उनको अपेक्षा छ । यस सहकार्यले विक्री प्रवर्द्धन मात्र नभई वाइवाइका पारखीसँगको सम्बन्ध थप उचाइमा पुर्याउने कम्पनीले बताएको छ । व्यावसायिक दूत खुरानाले वाइवाइसँग जोडिन पाउनु खुशीको कुरा रहेको बताए । यसका उत्पादनले जीवन्त र विविध दायरा समेटेको उनको भनाइ छ । हरेक स्वाद, क्षेत्र र प्राथमिकता अनुसारको विदेशी चाउचाउमा वाइवाइ रोजाइमा पर्ने उनले बताए ।
