दोलखाको भीमेश्वर नगरपालिका–१ मा पौराणिक कला संस्कृति झल्काउने गरी कलात्मक रूपमा क्षमावती कुटी खप्तड बाबा योग ध्यान केन्द्र निर्माण सुरु गरिएको छ। करिब आठ दशकअघि बनेको यो केन्द्र भूकम्पले भत्केपछि ढिलै भए पनि पुनर्निर्माण सुरु भएको निर्माण समिति कोषाध्यक्ष मुकुन्द शिवाकोटीले जानकारी दिनुभयो। उहाँका अनुसार वि.सं. २००१ देखि २००२ सम्म खप्तड बाबा यहाँ रहनु भई उहाँले नै कुटी निर्माण गर्नुभएको थियो। भूकम्पले कुटी भत्केपछि उहाँकै स्मृतिमा श्री क्षमावती कुटी खप्तड बाबा योग ध्यान केन्द्र निर्माण सुरु गरिएको हो।
