काठमाडौं : बिहीबार देशभरि जम्मा २७ जना कोरोना संक्रमित फेला परेका छन्। स्वास्थ्य तथा जनसंख्या मन्त्रालयको विवरणअनुसार ४ हजार ७ सय ४७ जनामा गरिएको परीक्षणमा २७ जना संक्रमित भेटिएका हुन्।आज २ सय २० जना संक्रमणमुक्त भएका छन् भने आज कोरोनाबाट मृत्यु हुनेको संख्या शून्य रहेको छ। मन्त्रालयको विवरणअनुसार हाल देशभर ४ हजार ३ सय ७६ जना सक्रिय संक्रमित रहेका छन्। हाल देशभरि २८ जना संक्रमित आइसियू र ६ जना भेन्टिलेटरमा उपचाररत रहेका छन्।