अख्तियार दुरुपयोग अनुसन्धान आयोगले काठमाडौं महानगरपालिका–१४ का वडा सदस्य वसन्त महर्जनलाई घुससहित नियन्त्रणमा लिएको छ ।
सेवाग्राहीसँग घुस लिँदै गरेको अवस्थामा अख्तियारको टोलीले महर्जनलाई काठमाडौंको कलंकी खसीबजारबाट नियन्त्रणमा लिएको हो ।
दुई लाख घुससहित वडा सदस्य महर्जनलाई नियन्त्रणमा लिइएको अख्तियार स्रोतले जानकारी दिएको छ ।
महर्जनलाई नियन्त्रणमा लिएर थप अनुसन्धान भइरहेको अख्तियार स्रोतको भनाइ छ ।
