.jpg)
माघ १६, काठमाडौं । ग्लोबल आइएमई म्युुचुअल फण्ड अन्तर्गत सञ्चालित ग्लोबल आइएमई समुन्नत योजना - १ ले पुस मसान्तसम्मको खुद सम्पत्ति मूल्य सम्बन्धि विवरण आइतवार सार्वजनिक गरृको छ ।
उक्त वित्तीय विवरण अनुसार फण्डको एनएभी मंसिर महीनाको तुलनामा पुस महीनामा वृद्धि भएको छ । फण्डको एनएभी मंसिर मसान्तसम्ममा प्रतिइकाई मूल्य रू. १० दशमलव ७७ रहेकोमा पुुस मसान्तसम्ममा वृद्धि भएर रू. १३ दशलमव ६७ पुगेको हो । एनएभीसँगै फण्डको सूचीकृत शेयरमा लगानी वृद्धि भएको छ ।
मंसिर मसान्तसम्ममा सूचीकृत शेयरमा रू. १ अर्ब १० करोड लगानी गरेको उक्त फण्डले पुस मसान्तसम्ममा वृद्धि भएर रू. १ अर्ब २० करोड पुगेको हो । पुस मसान्तसम्ममा फण्डले सूचीकृत शेयरमा लगानी गरेका कम्पनीहरुको शेयरमूल्यमा वृद्धि भएसँगै समग्र सूचीकृत शेयरमा लगानी बढेको हो ।
सो अवधिमा फण्डले रू.२४ करोड ७५ लाख नाफा कमाएको छ । मंसिर मसान्तसम्ममा फण्डले रू. ३ करोड ८८ लाख नोक्सानीमा थियो । पुस मसान्तसम्ममा रू. २६ करोड ६६ लाख आम्दानी गरेकाले फण्डको नाफामा वृद्धि भएको हो ।
