काठमाडौं : पश्चिमी न्यूनचापीय प्रणालीको प्रभावका कारण आज देशका केही स्थानमा हावाहुरीसहित हल्का वर्षाको सम्भावना रहेको छ।शुक्रवार दिउँसो देशका पहाडी भू-भागमा आंशिक देखि सामान्य बदली रहे पनि अन्य भू-भागको मौसम सामान्यतः सफा रहने छ। प्रदेश १, बागमती, गण्डकी, कर्णाली र सुदूरपश्चिम प्रदेशका पहाडी भू-भागमा दिउँसो र साँझ हावाहुरी‚ चट्याङसहित हल्का वर्षा हुने मौसम पूर्वानुमान महाशाखाका मौसमविद् राजु प्रधानाङ्गले जानकारी दिए।राति देशको पहाडी भू-भागमा सामान्यतः बदली र अन्य भू-भागमा मौसम सफा रहने छ।
