काठमाडौं । प्रभु लाइफ इन्स्योरेन्स कम्पनीको शेयर कारोबार भोलिदेखि १५ दिन रोक्का हुने भएको छ । प्रभु लाइफ इन्स्योरेन्स र महालक्ष्मी लाइफ इन्स्योरेन्स कम्पनीले भोलिदेखि एकीकृत कारोबार शुरु गर्दैछन् ।
सोही कारण शेयर मिलान, धितोपत्र पुनः दर्ता, धितोपत्रको अभौतिकीकरण तथा सूचीकरण प्रयोजनका लागि शेयर कारोबार रोक्का गरिदिन अनुरोध गर्दै कम्पनीले नेप्सेलाई पत्र लेखेको छ ।