काठमाडौं । नेपाल स्टक एक्सचेञ्ज (नेप्से)मा दुई हाइड्रोपावर कम्पनीको शेयर मूल्य समायोजन भएको छ ।
नेप्सेमा सिंगटी हाइड्रो इनर्जी र मन्दाकिनी हाइड्रोपावरको शेयर मूल्य समायोजन भएको छ । यी दुई कम्पनीले साधारण सभा तथा लाभांश वितरण प्रयोजनार्थ बुक क्लोज गरेसँगै नेप्सेले शेयर मूल्य समायोजन गरी नयाँ मूल्य निर्धारण गरेको हो ।
नेप्सेले सिगंटी हाइड्रोको शतप्रतिशत हकप्रद शेयर समायोजन गरेको छ । समायोजनपश्चात कम्पनीको शेयर मूल्य रू. २०२ दशमलव ९० कायम भएको छ । बिहीवार दोस्रो बजारमा कम्पनीको शेयर मूल्य प्रतिकित्ता रू. ३०५ दशमलव ८० मा अन्तिम कारोबार भएको थियो ।
त्यस्तै मन्दाकिनी हाइडड्रोपावरको ४ दशमलव ७५ प्रतिशत बोनस शेयर समायोजन गरिएको छ । समायोजनपश्चात कम्पनीको शेयर मूल्य रू. ४०९ दशमलव ३६ कायम भएको छ । बिहीवार दोस्रो बजारमा कम्पनीको शेयर मूल्य प्रतिकित्ता रू. ४२८ दशमलव ८० मा अन्तिम कारोबार भएको थियो ।
नेप्सेले यी दुई कम्पनीको बिहीवार कारोबार दिनको अन्तिम मूल्यका आधारमा शेयर मूल्य समायोजन गरेको हो । यही समायोजित मूल्यका आधारमा आइतवारदेखि यी कम्पनीको शेयर कारोबार खुल्नेछ ।
