एजेन्सी। दक्षिण भारतका सुपरस्टार कमल हसनको आउँदो चलचित्र ‘विक्रम’को पोष्टर सार्वजनिक भएको छ। कमल हसनले आफ्नो ट्वीटर अकाउन्टबाट चलचित्रको पोष्टर सार्वजनिक गरेका हुन्। चलचित्रमा हसनसँगै विजय सेतुपति र फहाद फासिल पनि प्रमुख भूमिकामा छन्। चलचित्रको पोष्टरमा उनीहरू तीनै जनालाई देख्न सकिन्छ। ‘विक्रम’ एक ‘सस्पेन्स थ्रिलर’ चलचित्र हो, जसमा कमल एक पुलिस अधिकारीको भूमिकामा देखिनेछन्।