काठमाडौं (अस) । नबिल बैंकले जुम्लाको तिला गाउ“पालिकामा स्वरोजगार प्रवद्र्धन गरी युवालाई आत्मनिर्भर बनाउने उद्देश्यले उद्यमशीलता विकास र वित्तीय साक्षरतासम्बन्धी ६ दिने तालिम कार्यक्रम समापन भएको छ । कार्यक्रमका लागि नबिल बैंक, राष्ट्रिय युवा परिषद् र तिला गाउ“पालिकाबीच त्रिपक्षीय समझदारी भएको थियो ।
तिला गाउँपालिका अध्यक्ष रतननाथ येँगीकेँ अध्यक्षता सम्पन्न समापन कार्यक्रममा पूर्वराज्यमन्त्री बलबहादुर महत, नबिल बैंक सञ्चालक समितिका अध्यÔ उपेन्द्रप्रसाद पौडेल, नायब प्रमुख कार्यकारी अधिकृत सुजितकुमार शाक्यलगायत सहभागी थिए । उल्लेख्य महिला सहभागिता रहेको उक्त कार्यक्रममा बैंकका नायब प्रमुख कार्यकारी अधिकृत शाक्यले युवा र महिलाको उद्यमशीलता विकास एवं रोजगारी सिर्जनामा बैंकले सहयोग गर्ने बताए ।
बैंक सञ्चालक समितिका अध्यक्ष पौडेलले तालिममा सहभागी युवा र महिलालाई राम्रो उद्यमी बन्न शुभकामना दिए । नबिल बैंकबाट साना कर्जा लिएका उद्यमी अहिले करोडांैको कारोबार गरिरहेको उनले बताए । तिला गाउँपालिकाले युवा उद्यमका लागि आह्वान गरेको सूचनाबमोजिम दरखास्त दिई छनोट भएका युवालाई २० देखि २७ मंसिरसम्म सात दिने तालिम दिइएको थियो । तालिममा ६३२ जनाले आवेदन दिएका थिए । १९४ परिवारका सदस्य सहभागी तालिममा महिलाको संख्या आधाभन्दा बढी थियो ।
