काठमाडौं। ब्रुनो फर्नान्डेज र इडिसन काभानीको समान दुई गोलप्रेरित म्यानचेस्टर युनाइटेडले गएराति युरोपा लिगमा एएस रोमामाथि ६–२ को शानदार विजय हासिल गरेको छ। सेमिफाइनलको पहिलो लेगमा हासिल गरेको जितसँगै युनाइटेडले युरोपा लिगको फाइनल पुग्ने सम्भावना बलियो बनाएको छ। युनाइटेडका लागि थप गोल पाउल पोग्बा र मासन ग्रिनउडले गरे। रोमाका लागि लोरेन्जो पेलिग्रिनी र इडेन जेकोले गोल गरे।
